සිතක සේයා - 7 - හුදකලා (නොවු) සිතුවිලි - 3

 එකකට පස්සේ
තව එකක් ගැන හිතන
අන්තිමේදී එකම දේ ගැන
විවිධව හිතපු
හිත ගැන
මටත් හිතෙනව මෙහෙම...

හිත මහ පුදුම තැනක්..

සිතක සේයා - 7 - හුදකලා (නොවු) සිතුවිලි - 2

මටත් ඉක්මනට
ගෙදර යන්න,
උතුරටත් එනවනම්,
හෙට අනිද්දම

හයි වේ.....

සිතක සේයා - 7 හුදකලා (නොවු) සිතුවිලි - 1

තනියම යන්න
හිතක් නෑ මට
ඔයා නැතුව…………

දියතට

විද්වත් ඇස - 03 - 2006 අංක 27 දරන දුම්කොළ සහ මද්‍යසාර පනත පිලිබදව වෘත්තිකයන්ව දැනුවත් කිරීමේ සහ ප්‍රජාව දැනුවත් කිරීමේ ක්‍රමවේදය

මද්‍යසාර දුම්වැටි සහ අනෙකුත් මත්ද්‍රව්‍ය භාවිතය ලෝකය පුරා ජීවත් වන සෑම රටකම මිනිසුන්ගේ යහපැවත්මට සෘණාත්මක තර්ජණයක් එල්ල කරමින් විවිධාකාරයේ සෞඛ්‍ය ප්‍රශ්න මතු කරමින් සිටින බව ඔබ අප දන්නා කරුණකි. වර්තමානයේ මද්‍යසාර, දුම්වැටි සහ අනෙකුත් මත්ද්‍රව්‍ය හේතු කොටගෙන ඇතිවන සෞඛ්‍ය, සමාජීය, ආර්ථික සහ පාරසරික හානිය මෙපමණයයි නිශ්චය කිරීමට නොහැකියි. ලෝකයේ  අනෙකුත් රටවල් හා සැසදීමේදී ශ්‍රී ලංකාවේ මෙම තත්වයද නොසලකා හැරිය හැකි මට්ටමක නොපවතී. විවිධ රාජ්‍ය සහ රාජ්‍ය නොවන සංවිධානවල විවිධ වූ සෞඛ්‍ය වෘත්තිකයන් විවිධාකාරයේ සෞඛ්‍ය අධ්‍යාපන සහ සෞඛ්‍ය ප්‍රවර්ධන මැදිහත් වීම් හරහා දුම්වැටි, මද්‍යසාර සහ අනෙක් මත්ද්‍රව්‍ය වලින් සිදුවන සියලු ආකාර හානීන් උත්සහ කරමින් සිටියද, සැබෑ යටිතල සාධක ඇමතීමේ දුර්වලතාවයන් හදුනා ගත හැකිය. නමුත් මේ ගැටලුව කෙරෙහි සිය`එ අංශ වල මැදිහත් වීමේ ප්‍රවණතාවයේ දියුණුවක් පසුගිය දශකය තුල සිදු විය. රාජ්‍ය, පෞද්ගලික, සිවිල් සමාජ සහ අනෙකුත් ආයතනන් වල සිදුවූ මෙම මැදිහත්වීමේ ප්‍රවණතාවය ප්‍රසංශනීය වේ. පසුගිය දශකය තුලදී මද්‍යසාර, මත්ද්‍රව්‍ය හා අනෙකුත් මත්ද්‍රව්‍ය වලින් රටට වන බලපෑම අවම කිරීම සදහා නීති, රෙගුලාසි වල මැදිහත් වීමද මහජන සෞඛ්‍ය ඉහළ නැංවීමට ගත් ප්‍රසංශනීය උත්සහයකි. 

2003 වර්ෂයේ ලෝක සෞඛ්‍ය සංවිධානය මගින් දුම්වැටි පාළනය සදහා ප්‍රඥප්තියක් ඉදිරිපත් කල අතර මෙම ප්‍රඥප්තියට රටවල් 168ක් පමණ අත්සන් කර ඇත. එක්සත් ජාතීන්ගේ ඉතිහාසයේ වඩාත් පු`එල් ලෙසම  අනෙකුත් රටවල දායකත්වය ලැබුණු ප්‍රඥප්තිය මෙයයි. මෙම ප්‍රඥප්තිියට පෙර සිට වුවද ශ්‍රී ලංකාවේ සාරංශ ගත ප්‍රඥප්තියක් මද්‍යසාර, දුම්වැටි සම්බන්ධව සංවර්ධනය වෙමින් පැවතින. කෙසේ වෙතත් ලෝක සෞඛ්‍ය සංවිධානයේ ප්‍රඥප්තියෙන් පසුව 2006 වර්ෂයේ අංක 27 දරන දුම්කොළ සහ මද්‍යසාර පිලිබද පනත ප්‍රකාශයට පත් කරන ලදී. 2007 වර්ෂයේදී ජාතික දුම්කොළ සහ මද්‍යසාර අධිකාරිය පිහිටවූයේද මෙම පනත ක්‍රියාත්මක කිරීම සදහායි. අරමුණු රාශියක් පෙරදැරි කොටගෙන වසර කිහිපයක් මෙම පනතේ විවිධ සංශෝධන සහිතව ක්‍රියාත්මක වෙමින් පවතින මෙම පනත දුම්වැටි හ මද්‍යසාර වල විවිධාකාර බලපෑම් අවම කිරීම උදෙසා නීති රෙගුලාසි ක්‍රියාත්මක වීම සිදුවේ. අවිධිමත් නිරීකෂණ සහ වෙනත් සාක්ෂි පදනම් කරමින් නීති රෙගුලාසි ක්‍රියාත්මක කිරීම සදහා මෙම පනතින් බලය ලබා දී ඇති පුද්ගලයන්ගේ දායකත්වයේ අඩුවක් පවතින බව පෙනී යයි. මේ සදහා බලය බලය පැවරී ඇති පුද්ගලයන් වන පොලිස් නිළධාරීන්, මහජන සෞඛ්‍ය පරීක්ෂක නිළධාරීන්, සුරාබදු නිළධාරීන් මේ සම්බන්ධව මනා දැනුවත් බවක් පැවතිය යුතුය. කෙසේ වෙතත් 2006 අංක 27 දරන දුම්කොළ  සහ මද්‍යසාර පනත පිලිබදව වෘත්තිකයන්ව දැනුවත් කිරීමේ සහ ප්‍රජාව දැනුවත් කිරීමේ ක්‍රමවේදයේ දුර්වලතාවයන් පවතින බවක් පෙනේ. කෙසේ වෙතත් මෙම පනත ක්‍රියාත්මක කිරීම ශක්තිමත් කිරීමට, අදාල බලයලත් නිළධාරීන් පනත පිලිබ`දව දැනුවත් කිරීම අත්‍යවශය කරුණක් වේ.

(Prabhath Pallewaththa, 06-10-2014) 

සිතක සේයා - කදුලු වස්සානය (Constructing Phase)

සිතක සේයා

සිතක සේයා - 6 (Sithaka Seya -6)

විද්වත් ඇස - 02 - ශ්‍රී ලංකා ජාතික කොඩිය

ලෝකයේ සියලුම රටවල් සිය අනන්‍යතාවය පෙන්වීම සදහා ජාතික ධජයන් ඒ ඒ රටවල් විසින් නිර්මාණය කර තිබේ. එය රටවල් වල උදාර සංකේතය වේ.  ශ්‍රී ලාංකික අප නියෝජනය වන්නේ සිංහ ධජයෙනි. 1986 අගෝස්තු මාසයේ දී ස්වදේශ කටයුතු අමාත්‍යංශය විසින් අනුමත කර ඉදිරිපත් කර ඇති රීති මාලාව ශ්‍රී ලාංකික ජාතික කොඩිය පිලිබදව දැනට බලපැවත්වේ. 

ජාතික කොඩියේ නිරූපණය වන සිංහයා පුරාණ රාජකීය කොඩිය ඇසුරෙන් යෙදෙන්නකි. 1951 වසර තෙක් ශ්‍රී ලාංකික අපගේ රාජ්‍ය උත්සව වලදී ඔසවනු ලැබූයේ බ්‍රිතන්‍ය කොඩියයි. රජය විසින් පත් කරන ලද 7 දෙනෙකුගෙන් යුත් මණ්ඩලයක නිර්දේෂ අනූව 1951 මාර්තු මාසයේ 2 වන දින වර්තමාන ජාතික ධජය නියෝජිත මන්ත්‍රී මණ්ඩලය පිළිගෙන සම්මත කර ගන්නා ලදී. 

ශ්‍රී ලංකා ජාතික කොඩියේ මුලට ඇති කොල පාට තීරුවෙන් මුස්ලිම් ජාතීන් නිරුපණය වන අතර තැඹිලි පාට තීරුවෙන් දමිළ ජාතීන් නිරූපනය වේ. රතු පසු තලයක මැද සුරතින් අසිපතක් ගත් කහපාට සිංහ රූපයක් හදුනා ගතහැකි අතර සිංහ තේජස උත්තරීතර සහ සින්හල ජාතියේ සංකේතය ලෙස විග්‍රහ වේ. රතු පසුතලය සිවු කොණේ කහ පැහැති බො කොළ 4ක් වන අතර ඒවා බුදු දහමේ දැක්වෙන, මෙත්ත, කරුණ, මුදිත සහ උපෙක්ක්ශා යන සතර බ්‍රහ්ම විහරණ සංකේතවත් වේ. සිංහ කොඩියේ මුල් කාලයේදී මෙම බො කොල 4 වෙනුවට බීරලු 4ක් යොද ගෙන තිබුණි. සිංහයා කහ පාටින් නිරුපනය කර ඇත්තේ සාමයට, ජාතියේ ඇති සහජ ලැදි කම හෙවත් දැහැමි කමයි. සිංහයා සිටින තද රතු පැහැ පසු බිමෙන් සමෘධිමත් භාවය දක්වයි. 

සිංහයාගේ අතේ වන අසිපත ආරක්ශක ආයුධයක් වන අතර, එය ඉහලට එසවීමෙන් ජාතියේ ස්වාධීන බව මෙන්ම උත්තරීතර බව විදහා පායි. මෙම අසිපත දකුණු අතෙ තිබීමෙන් නිරූපණය වන්නේ ආරක්ශාවට සිටීම සහ යුක්ති සහගත බවයි. පාද තුනෙන් අසිපත දරා සිටින සිංහයා මගින් තුන් සිංහලය එක්සත් කල බව සංකේතවත්න් කෙරේ. සිංහයාගේ හිසේ උඩ මට්ටමෙන් වලිගය ඉදිරියට පමිණ නැවත එක සමාන මට්ටමින් පසුපසට කරකී ගොස් තිබීමෙන් නිරූපණය වන්නේ රාජ්‍ය පාලකයා සහ රටවැසියා එක සමාන ව සලකා රට පාලනය කල යුතු අන්දමයි. 

ජාතික ධජය එසවීම.. 

ජාතික ධජය එසවීමේදී කණඩායම සීරුවෙන් සිටිය යුතු අතර, සෘජුව තම ඉදිරිය බලා සිටිය යුතු වේ. ජාතික ගීය ගැයීමෙන් අනතුරුව හිස පමණක් පහත් කර ඊට ගෞරව දැක්විය යුතුවේ. ජාතික කොඩිය වෙනත් කොඩි කිහිපයක් සමග ඔසවන්නේ නම්, ජාතික කොඩිය සැම විටම දකුණු අන්තයේ තැබිය යුතුවේ. එසේම අනිත් කොඩි ජාතික කොඩියට පහලින් තැබිය යුතුය. වෙනත් රටවල ජාතික කොඩි සමග ඔසවන්නෙ නම් සියලුම කොඩි සම මට්ටමෙන් එසවිය යුතුවේ. ආගමික කොඩි ප්‍රදර්සනය කල යුත්තේ ජාතික කොඩියට සමාන උසකිනි. සාමන්‍යෙන් ජාතික කොඩිය රාත්‍රියේ ඔසවා නොතබන අතර අදුර පැමිණීමත් සමගම ජාතික කොඩිය ගලවා දමා පසු දින වැඩ ආරම්භ කරන විට නැවත ඔසවා තැබිය හැක. යම් ගොඩනැගිල්ලක ජාතික කොඩිය රාත්‍රියක ඔසවා තනන්නේ නම්, එයට විදුලි ආලොකය සැපයිය යුතුයි.  

ජාතික ශෝක දින වලදී ජාතික කොඩිය අඩ කුබු කරන අතර, එහිදී ජතික කොඩිය මුලින් උපරිම ඔසවා, නැවත  කණුවේ 3/4 ක් වන මට්ටමේ ඔසවා තැබිය යුතුය. 

ජාතික කොඩියේ ප්‍රමාණය

කොඩියේ ප්‍රමාණය දිග පළල මෙන් දෙගුණයක් විය යුතුය. රාමුව හැර සෙසු තීරයන් 1:1:5 යන පරිමාණයට අනූව සැකසිය යුතු වේ.