සිතක සේයා - කදුලු වස්සානය - 2

නැගෙන හිරු
කදු රැල්ල මත.....
නුබට නොදැනුණත්,
ළහිරු වැද ඉදුවරට,
පෙති පැහැව....
ඒ සුවද, මුසුව
මේ පවනට,
ගත වැදේවී, මොහොතකින්....
එය නොදැනුනත් නුබට...

අවදිවනු දෙනෙත් හැර,
ඇරබිලා තවත් දවසක් අපේ ලෝකෙට...

සිතක සේයා - අලුත් වැස්ස - 2

හිතන්නටවත් හිතක් නැති කල...
හිතත් අරගෙන කොහෙද දුර ගිය
ඔබව හොයනව තාම හැමතැන
කොහෙද ඔබ දුර ගිහින්.....

පාලු අහසට ඈත දිදුලපු
තාරුකාවක් වෙලා උන් නුබ...
ලගට ලන්වී එලිය වන්නට
තවත් තරුවක් උනා මන්.....

ජීවිතේ මට මටත් නැතිකර
වලාවක සැගවුණොත් දිනයක...
සනස ගන්නට මටත් මගෙ හිත
බැරිවේවි දන්නව මන්.....

ජීවිතේ මට කියාදෙන්නට
පද පේලි පටලලා එකිනෙක.....
ලියපු කවියට තනුව එක්කල
නුබ මගේ ජීවිතේ වෙලා දැන්......

අවධානය පිණිස - 03

"මත්ද්‍රව්‍ය භාවිතය නිසා කායික, මානසික මෙන්ම ලින්ගික වශයෙන්ද වැඩි වශයෙන් අපහසුතාවයට පත්වන්නේ කාන්තාවන්ය. නමුත් ලෝකයේ අනෙකුත් රටවල් හා සන්සන්දනය කිරිමේදී, ශ්‍රී ලාන්කික කාන්තාව ලක්වන මෙම අපහසුතාවයේ වපසරිය ඉතා අඩු මට්ටමක පවතීයයි නිගමනය කල හැකිය. ඊට ප්‍රධානම හේතුව වන්නේ අපේ රටේ කාන්තාවන් බහුතරයක්  මත්ද්‍රව්‍ය භාවිතයේ නොයෙදීමට තරම් බුද්ධිමත් පිරිසක් වීමය. ආර්තික, සමාජීය, මෙන්ම සෞඛ්‍ය වශයෙන් කාන්තාව තම ජීවන වටපිටාව බොහෝ විට පිරිහෙන මට්ටමකට ලගා කර ගන්නේ තම ස්වාමියාගේ මත්ද්‍රව්‍ය භාවිතය නිසයි. තම පවුලේ ඔනෑ එපාකම් පිරිමසා ගැනීම සදහා උපයන මුදලින් කොටසක් ම්ද්‍යසාර සමාගම් වෙත ගලා යද්දී, පවුලේ ආර්තික ස්තාවරත්වය බිදවැටීමට හේතුවේ. මත්ද්‍රව්‍ය භාවිත පිලි නොගත හැකි, අනිසි  හැසිරීම් නිසා මානසික, සහ කායික වසයෙන් පීඩා විදින්නෙද වැඩි වශයෙන් කාන්තාවන්ය. සමහර අවස්තා වලදී ස්වාමියාගේ මත්ද්‍රව්‍ය නිසා පවුලේ සමස්ත බර දරා සිටීමට ද සිදුවන්නේ කාන්තාවටය. අවසානයේ සමස්තයක් ලෙස කාන්තාවගෙ සතුට, යහපැවත්ම සීමා වීමක් සිදුවෙනවා. මේ නිසා මත්ද්‍රව්‍ය නිවාරණයේ වැඩි දායකත්වයක්, වගකීමක් ගැනීමට කාන්තාවට හැකිවිය යුතුයි. පුරුෂයන්ගේ මත්ද්‍රව්‍ය භාවිත අනිසි හැසිරීම් සදහා කාන්තාවන්ගේන් ලැබෙන සමාව, අවසරය නැති කිරීම අනිවාර්ය කාරණයක්. මෙයින් කාන්තාවන්ගේ යහපැවත්ම තව දුරටත් දියුණු කල හැකි වේවි "

සිතක සේයා - අලුත් වැස්ස - 1

අසනි වැස්සක් වෙලා
ඇද වැටුණු අපූරුව නුබ
නියගයේ අදෝනාව
අදාහනය කර - අමාවක  දාක
සොහොනක .......

හසරැල්ල වී - කදුල මතට
සිනහ ගෙනා අපූරුව නුබ
යටගියාවේ කදුලු මතකය
මගෙන් ගෙන - දුර ඈතකට
විසිකර .......

සිතක සේයා - කදුලු වස්සානය - 1

පන්හිද තුඩ දහස් වර...
ගෙතූ පදවැල් එකිනෙක
ලියූ වෙමි, හද කවුලු දොර හැර
සෙනෙහස සීරුවට කැටිකර......

ඇදුනත් පත් ඉරු පුරාවට...
කියා ගන්නට නොහැකිව
සිටියෙමි.....
විඩා, හුදකලාවක...

මෙතෙක් මාලියූ සදවත
නුබම මිස,
ඇයෙක් වෙද ?
පායා හිනහුන මේ සිත් අහසට...............

අවධානය පිණිස - 02

මද්‍යසාර රසායනය කටුක නීරස අප්‍රසන්න දෙයක් වුවද මද්‍යසාර විස්තර කිරීමේදී එය රසවත් සතුටු විනෝදාත්මක හැගීම් දනවන දෙයක් ලෙස හුවා දැක්වීමට මද්‍යසාර කර්මාන්තයේ උපක්‍රම වල ප්‍රතිඑලයක් ලෙස මද්‍යසාර භාවිත කරන්නන් මෙන්ම නොකරන්නන්ද උත්සහ කරයි. මෙම උත්සහයේ ප්‍රතිඑලයක් ලෙස ඉදිරි පරපුරද වැරදි සමාජ ඉගෙනුමක් ලබමින් සිටි. මෙම තත්වය සැලකිල්ලට ගනිමින් මද්‍යසාර භාවිතා කරන්නන්ගේ මද්‍යසාර භාවිතයේ අනිසි, බොරු රගපෑම අවබෝධ කරගැනීම සහ එම අනිසි රගපෑමට සමාව අවසරය නොදීමට මද්‍යසාර බොන නොබොන හැමෝම උත්සහ ගැනීම වටී. 

අවධානය පිණිසයි - 01

දුම්වැටි භාවිතාකරන්නන් තමන්ගේ ජීවිත කාලය තුල, මුල්වරට දුම්වැටි භාවිතයට ගැණුනු වයස් සීමාව අවුරුදු 21ට වඩා අඩු වීම 73%ක් බව සොයා ගෙන ඇත. NATA පණත සම්මත කර තිබියදීත් මේ වන විට දුම්වැටි අලෙවි කරන්නන් ඒ පිලිබදව නොසැලකිලිමත් වෙමින් මෙම පණතේ 31 වන වගන්තිය උල්ලන්ඝනය කර ඇති බව පැහැදිලිය. මෙයින් මේ සම්බන්ධව බලයලත් නිලධාරීගේ ක්‍රියාකලාපය තවදුරටත් ශක්තිමත් විය යුතුබව පැහැදිලිය.